Il contesto:
In rima la storia della Latteria Consorziale del Comelico di cui si parlava in quel tempo.
Occasione persa per il "campanilismo" dei vari paesi.
Si ipotizzava la sua locazione nel comune di S.Nicolò-Gera come posizione geografica centrale ma quelli di S.Stefano reclavano la loro centralità e quindi un pizzico di rivalsa nelle rime. |
Betonse d'accordo
Parlon pur d'la laterìa
Ormai che duce parla bel
Vardon da mete in bona armonia
Chei da Sancolò, da Gera e da Ciampdel.
La queslion inè pitosto seria
E no sarà fazile disbrighè
A chi che n'la sa; no la par nenché veria
Quanto che l'ha bel fato mattaiè !
E si, par che sona bona dente,
E che se vada duce lontiera,
Epur 'ncamò non podù fei gnente
Nè cole triste, nè co la bona maniera,
Ma savede ch’è un bel tragheto
Apede sta nostra lateria...
Che nse possa mai celà al dreto
Dopo tanto tempo che son tude in via !
Paria che fosse stada 'na questianuta
Che dovea durè pache dis,
E inveze e gnuda na partiduta
Che forse durerà anche par i nos fis...
Chi dis ch'la colpa seia de chei lassù.
Chi dis ch'la seia de chei da basso...
Ma intanto par tornà a betla su,
Non son pi stade bogn da fei nanché un passo !
Se avea pensò da fei su 'ncamo una,
Ma no se sa gno ch'la gnirà...
Chi vo a Sancolò, chi a Ciampdel e chi a Lacuna
E chi,.. su un carel da podeila trasportà.
|
Bisogna cetà un posto giusto
Par fei sta nova laterìa
Se se vo che la dente cete gusto
E torne a betse duce in compagnia.
Vo tanta bona volontà..
E bisogna anche scomdase ' n tin pròn
E alorà se vedarà
Che gnarà fate le robe da galanton
!
Ma non stadon a di tanto in là,.,
A contà fora duto chel che savon nei,
Parchè chesti e robe che chi sa sà..
E chi no le sà, non ha da savei !
Non sarà mai tarde par fei 'na bona azion
Betonse d'acordo. tenton ’ncamò nota,
Tornon a cetase e voleise ben com'nota
E tornerà la pas a la nostra bela Frazion !
... E ni creda da rìde chietre paese
Su la lateria d'la nostra Frazion
Parchè nei son bogn da pagà le nostre spese
E po' a ped lore 'ncomò nes baraton
Parche nei on anche algo autro
De importante nel nos Comun,
Un aquedoto, che nessun autro
Non ha in duta la provinzia de Blun;
On anche doe fabriche de ociai
Che le laora duto l'an,
Con intorno sessanta operai
E le loro fameie sempre al so pan,...
È una industria fiorente
Che è giusto incoraggiè
Parche da laoro a la nostra dente.....
E co è laoro,,, e anche da mangè.
On fato fognature, ponte e strade
E faron onche i marciapies
On fato cede nove, intere contrade,
Epur,,, la nostra Regola è sempre in pes• • •
On anche bei alberghe e segherie,
On bei ambiente par i vilegiante,
...se varda insomma dute le vie,
Por podei di meio e sempre pi ignante.
Come che savede, se sta ben chilò,
Seìa a le borgate, che a Sancolò
De duce chietre ne non invidia de n'sun
E "evìva" lo dente dal nos bel Comun,
Sacco Chilina Tullio
|
